Ji ber êrîşa bi tankan a li hemberî taxa Cûdî, malbatekê ji neçarî bi bilindkirina ala spî ji malê derket, lê belê bû hedefa guleyên polîsên tevgera taybet ên Tirk. Di vê êrîşa çekdarên dewletê de Bişeng Goran a 12 salî jiyana xwe ji dest da.
Di roja 24. a terora dewleta Tirk de, êrîşên polîs û leşkeran ên li Cizîrê gihaşt asta hovîtiyê. Ji ber êrîşa bi tankan a li hemberî taxa Cûdî ya Cizîrê, malbatekê ji neçarî bi bilindkirina ala spî ji malê derket, lê belê bû hedefa guleyên polîsên tevgera taybet ên Tirk. Yek ji guleyên polîsên Tirk li serê Bişeng Goran a 12 salî ket û bi giranî birîndar bû. Malbatê zaroka xwe rakir Nexweşxaneya Dewletê ya Cizîrê, lê jiyana xwe ji dest da.
Tevî Goran û Mîray a 3 mehî, di nava 24 rojên terora dewletê de, li Cizîrê 32 kesan jiyana xwe ji dest dan.
