Li Şirnexê ji ber êrîşa ji maşînên zirxî ya polîsên Tirk, li taxa Dîcleyê 2 kesan jiyana xwe ji dest dan. Cenazeyên her du kesên hatine qetilkirin hînê ji erdê nehatine rakirin. Gel ji bo rakirina cenazeyan dest bi meşê kir, lê polîsan êrîş kirin.
Yek ji taxên navenda Şirnexê yên li hemberî êrîşên hêzên dewletê li ber xwe dide taxa Dîcle ye. Hêzên dewleta Tirk duh bi şev êrîşî vê taxê kirin. Bi maşînên zirxî yên dor li taxê pêçandin re gule li nava taxê hatin reşandin. Hêzên xweparastinê jî bersiv dan êrîşên dewleta Tirk. Di êrîşê de 2 kes ji ber guleyên dewletê jiyana xwe ji dest dan.
Cenazeyên her du kesan, ji ber êrîşên giran bi şev li cihê lê hatin qetilkirin man. Gelê herêmê ji bo cenazeyan rake, ber bi taxê ve meşiya. Lê belê polîsên Tirk bi bombeyên gazê êrîşî gel kirin. Berxwedana gel a ji bo rakirina cenazeyan dewam dike.
