Nobeda berxwedanê ya li taxa Girê Mîra ya Nisêbînê, ku gava destpêkê ya Meşa Botanê ye, di roja 6. de ye. Tevî Kurdistaniyên ji Mûş, Wan, Colemêrg, Erzîrom, Semsûr, Meletî û Dîlokê, ji bajarên Tirkiyeyê jî gelek kes tevlî çalakiyê bûn.

Bi sedan kesên ji Îzmîr, Manîsa, Enqere û Stenbolê hatin, xwe gihandin taxa Girêmîra. Di nava beşdarên nobedê de tevî endamên ESP, Partiya Şoreşger, SYKP û DHFC, nûnerên KESK, TMMOB, SES, gel û baweriyên cuda, hene.

Parlamenterên HDP'ê û Hevserokê Giştî yê DBP'ê Kamûran Yuksek jî ji beşdarên nobedê ne. Tê payîn ku malbatên kesên di berxwedana Gezî de jiyana xwe ji dest dan û malbata Berkîn Elvan di rojên pêş de beşdarî çalakiyê bibin.