Navenda kontrolkirina balafirên keşfê hat rûxandin
Li Minbicê, navenda kontrolkirina balafirên keşfê ya çeteyan hat rûxandin, serçeteyek û 6 çete hatin kuştin.
Li gundê El Dadat ê li herêma navbera rojava û bakurê Minbicê ye, di navbera şervanan û çeteyên DAIŞ'ê de şerekî dijwar qewimî.
Di şerê li xaçerêya El-Şerîha ya li bakurrojavayê bajêr de, li gorî agahiyên hatin bidestxistin serçeteyekî bi navê Ebû Mihemed El-Qehtanî û 5 çete hatin kuştin, çeteyek jî birîndar bû.
Li navenda bajarê Minbicê jî, navenda kontrolkirina balafirên keşfê ya çeteyan hat rûxandin. Çeteyan ev navend ji bo çêkirina mayîn û bombeyan jî bi kar danî.
Di şerê duh bi şev ê li gundê Zergûlê de çeteyek hat kuştin.
