Navenda Çapemeniya YPG`ê di malpera xwe de bi rêya daxuyaniyeke nivîskî nasnameya şervanên ku di bersivdayîna êrîşa bajarokê Silûk, Girê Spî û berxwedaniya Helebê de jiyana xwe ji dest dane eşkere kir.

Daxuyanî wiha ye:

“Ji Çapemenî û Raya giştî re!

Yekîneyên Parastina Gel û Yekîneyên Parastina Jin ji tevahî cîhanê re diyar kirin ku ew hêza herî bi bandor a li dijî her cureyên terorê ne.

Çeteyên DAIŞ`ê yên ku herêma Cizîrê bi tevahî ji dest xwe winda kirin û jê hatin paqijkirin, têkçûn ranegirtin. Hem ji bo ser têkçûna xwe bigrin, him jî ji bo ji hêzên me tola xwe bistînin, yekser gelê me hedef girtin û êrîşên xwe yên li hemberî bajarokê Silûk û bajarê Girê Spî destpê kirin. Giredayî vê êrîşê, berê  xwe dan nuqteyên stratejîk ên di navebera Silûk û Girê Spî de.

Şervanên me yên leheng yên ku bi ruhê Derwêş û Edûleyan ji bo vîna azad şer dikin û pilana çeteyên qirêj bi tevahî vala derxistin. Çeteyan ji vê êrîşê hêvî dikin ku encameke baş bi dest bixin, lê bi saya lehengiya şervanên me windahiyên pir giran dan û li çolê beriyê vegeriyan. Bi vî awayî ev herêm careke din ji ber xeteriyek dijwar hat rizgarkirin.

Di vê berxwedaniya bi rûmet de, ya ku di rûpelên dîrokê de cihekî mezin girtiye, 3  hevalên me bi lehengî şer kirin û gihiştin şehadetê.

Tevî wan 3 hevalên leheng, em nasnameya 3 hevalên xwe yên hêja yên ku di berxwedaniya efsanayî ya li bajarê Helebê de şehîd ketin jî eşkere dikin.

Ji bo doza hemû tekoşerên azadiyê ya ku ji bo doza Kurdistanê xwe feda kirin, em weke Yekîneyên Parastina Gel û Yekîneyên Parastina Jin soza şopandina doza wan didin û ji bo hemû mirovatiyê sersaxiyê dixwazin.”

Nasnameya şervanên YPG/YPJ’ê yên jiyana xwe ji dest dane wiha ne:

Nasnav: Aras Akbûlût

Nav û Paşnav: Bayram Akbûlût

Navê Dayikê: Bedîhe

Navê Bav: Abdullah

Cihê Jidayikbûnê: İstanbûl

Cih û Dîroka Şehadetê: Silûk 01/03/2016

***

Nasnav: Bawer Batman

Nav û Paşnav: Hakan Sevîn

Navê Dayikê: Zelîxe

Navê Bav: Muhemed Elî

Cihê Jidayikbûnê: Batman

Cih û Dîroka Şehadetê: Silûk 01/03/2016

***

Nasnav: Cume Qoser

Nav û Paşnav: Murad Şan

Navê Dayikê: Mekiye

Navê Bav: Remezan

Cihê Jidayikbûnê: Mardîn

Cih û Dîroka Şehadetê: Silûk 27/02/2016

***

Nasnav: Can Efrîn

Nav û Paşnav: Demhat

Navê Dayikê: Esmehan

Navê Bav: Nîdal

Cihê Jidayikbûnê: Efrîn/ Mehbetlî

Cih û Dîroka Şehadetê: Heleb/ Şêx Meqsud 02/03/2016

***

Nasnav: Rojîn Zekeriye

Nav û Paşnav: Evîn Seydê

Navê Dayikê: Suheyle

Navê Bav: Muhemed

Cihê Jidayikbûnê: Kobanê / Elî Şêr

Cih û Dîroka Şehadetê: Heleb/ Şêx Meqsud 02/03/2016

***

Nasnav: Merwan Gever

Nav û Paşnav: Heqan Dara

Navê Dayikê: Bakîse

Navê Bav: Celal

Cihê Jidayikbûnê: Gever

Cih û Dîroka Şehadetê: Heleb/ Şêx Meqsud 02/03/2016