Xebatkarên Şaredariya Sûrê binçavkirina hevşaredarên xwe protesto kirin.

Ji bo serbestberdana Hevşaredarên Sûrê Fatma Şik Barût û Seyîd Narîn ên di çarçoveya operasyonên qirkirina siyasî de hatin binçavkirin, xebatkarên şaredariyê û nûnerên Tum-Bel Sen xwestin ber bi avahiya edliyeyê ve bimeşin. Xebatkarên rastî astengiya polîsên dewletê hatin, li ber avahiya şaredariyê rûniştin û li çepikan dan.

'LI HEMBER KOMKUJÎ Û ŞER EM HIŞYAR BIN'

Hevserokê Şaxa TUM-BEL SEN a Amedê Muhsîn Uyanik diyar kir ku li hember komkujî û şerê ku bi awayekî bê pîvan û bê hiş li herêmê tê meşandin li vir in û di vê mijarê de banga hişyariyê li gel dikin. Uyanik got ku dema binçavkirina hevşaredaran qediyaye û astengiya polîsan jî şermezar dikin.

Uyanik ragihandin ku wê çalakiya ‘5 Deqeyan Rawestandina Jiyanê’ her roj saet 15.00’an wê bê lidarxistin.