Li xeta sînorê Heftanînê çalakî: 2 leşker hatin kuştin
Navenda Ragihandin û Çapemeniyê ya HPG’ê da xuyakirin ku di çalakiya li xeta sînorê Heftanînê de 2 leşker hatin kuştin.
HPG’ê di daxuyaniyê de têkîldarî êrîşên li dijî Herêmên Parastinê yên Medyayê jî agahî parve kirin.
LI HEFTANÎNÊ 2 LEŞKER HATIN KUŞTIN
Navenda Ragihandin û Çapemeniyê ya HPG’ê têkîldarî çalakiya li Heftanînê ev agahî dan:
“12’ê Adarê saet 15.30’an hêzên gerîlayên me ji 2 baskan li hember leşkerên TC ên li qada Şehîd Kendal a li xeta sînorê Herêma Heftanînê ya Herêmên Parastinê yên Medyayê bi cih bûne çalakî li dar xistin û 2 leşker hatin kuştin. Piştî çalakiyê artêşa TC heta saet 23.00’an qada Girê Nêriya û Deriyê Davetiye da ber obus, hewan û tankan.”
BOMBERDÛMAN DIDOMIN
HPG’ê têkîldarî bombekirinên li ser qadên gerîla jî wiha got:
“12’ê Adarê saet 17.00-20.00’an balafirên şer ên artêşa TC qada Dola Şîvamêzê ya girêdayî herêma Heftanîna Herêmên Parastinê yên Medyayê bombe kirin.
12’ê Adarê saet 09.00-09.30’an qereqola Serê Sevê ya li sînorê navçeya Çelê ya Colemêrgê; qada Çiyayê Reş û Sirtê Kovî yên girêdayî herêma Zapê, saet 14.30-16.00’an qereqola Êrîş; qada Dola 82, saet 14.30-15.30’an qereqola Bîlîcanê; qadên Kanî Cinnetê û Şehîd Dunya bi obus, hewan û tankan bomberdûman kirin.
12’ê Adarê saet 13.30-14.00’an qereqola girê Sîvrî ya li sînorê navçeya Gever a Colemêrgê qadên derdora xwe, saet 15.00-16.30’an û 13’ê Adarê (îro) saet 03.30-04.00’an girê Şehîd Rahîme yê girêdayî herêma Avaşînê bi obus û hewanan bombe kiriye.
Saet di navbera 12’ê Adarê 14.00’an û 13’ê Adarê 05.30’an de qereqola Elemûn a li sînorê navçeya Qilebana Şirnexê; qada Şehîd Dîlber a girêdayî herêma Metîna da ber obus û hewanan.
12’ê Adarê saet 08.00-11.30’an û 19.00-20.00’an li ser herêma Zapê, saet 16.30-18.30’an li ser herêma Metîna, saet 05.00-09.00’an û di navbera 17.00 û 13’ê Adarê 03.00’yan li ser herêma Heftanînê, 13’ê Adarê saet 03.30-04.30’an li ser herêma Avaşînê, 13’ê Adarê saet 06.00-10.00’an li ser geliyê Mûnzûr û Pilûr ên Dêrsimê pêgerên hewayî yên keşfê geriyan.
12’ê Adarê saet 11.30-13.00’an li ser Herêma Qendîl, Xakûrkê û Avaşînê, saet 11.30-18.30’an li ser herêma Zapê, saet 16.30-18.30’an li ser herêma Metîna tevgera balafirên şer çêbûn.”
