Derket holê ku xizmê Mehmet Mete (10) yê ku 21’ê Kanûnê li Silopiyayê hatibû qetilkirin, Aydin Mete (16) jî 4 roj berê ji aliyê tîmên taybet ên Tirk hatiye qetilkirin.

Derket holê ku xizmê Mehmet Mete (10) yê ku 21’ê Kanûnê li navçeya Silopiyaya Şirnexê hatibû qetilkirin, Aydin Mete (16) jî 4 roj berê ji aliyê tîmên taybet ên Tirk hatiye qetilkirin. Mete ji mala xwe ya li Taxa Şehîd Harûn ji bo biçe mala cîranan derketibû û ev 4 roj bûn agahî jê nedihat girtin, malbat piştî 4 rojan li serê kolanê bi cenazeyê zarokê xwe re rû bi rû hat. 

Hate diyarkirin ku cenazeyê Mete birine cem cenazeyê xizmê wî Mehmet Mete yê ji ber êrîşan nikarin defn bikin û li mizgeftê tê ragirtin.