Bi sedan welatiyên Qamişlo  bi armanca ku beşdarî merasîmên bîranîna cangoriyan bibin  li goristana Delîl Saroxan a li Taxa Enteriyê kom bûn. Welatiyên ku hatin goristanê wêneyên têkoşeran û alên YPG/YPJ’ê hilgirtibûn. Di merasîmê de her  wiha Saziya Malbatên Şehîdan, Şaredariyên gel ên bajarê Qamişlo, Saziyên Civaka Sivîl û malbatên têkoşeran amade bûn.

Di merasîma ku bi rêzgirtinê destpê  kir de, li ser navê  Saziya Malbatên Şehîdan Mehsûm Hesen axivî. Hesen di axaftina xwe de ji malbatên têkoşeran û tevahiya gelê kurd re, sersaxî xwest û got ku bi saya berxwedana van têkoşeran,  destketiyên mezin li tevahiya Kurdistanê hatin bidestxistin û got: "Azadî û jiyana bi rûmet bi dayîna bedelan tên bidestxistin. Şehîdan jî erka xwefedakirinê dane ser milê xwe. Di oxira bidestxistina  jiyana azad a gelê xwe de, têkoşîn kirin û şehîd bûn."

Hesen di axaftina xwe de diyar kir ku piştî avakirina Hêzên Sûriya Demokratîk (HSD) ku tê de hemû pêkhateyan dest daye hev û li dijî dijîminê mirovahiyê şer dikin, gelek destketî hatin bidestxistin.

Hesen di dawiya axaftina xwe de  bang li hemû pêkhateyan û malbatên têkoşeran kir ku li dora hêzên HSD’ê kom bibin û destek bidinê.

Merasîm bi duruşmeyên dilsoziya bi têkoşeran re bi dawî bû.