Navenda Ragihandin û Çapemeniyê ya HPG’ê têkîldarî êrîşên artêşa Tirk daxuyaniyek nivîskî weşand. Di daxuyaniya HPG’ê de wiha hat gotin:

“14’ê Adarê (îro) saet 03.30-06.30’an balafirên şer ên TC gundên Bûkrîskan, Lewcê, Ebabekîr û Siyesê yên di nav sînorê herêma Qendîlê ya Herêmên Parastinê yên Medyayê de , saet 04.45-05.30’an qereqola Êrîş; qadên Kanî Cinnetê, Dola 82 û gundê Mergeşînê bi obusû hewan û tankan bombe kir.

14’ê Adarê saet 00.00-00.30’an qereqola Oremar a girêdayî navçeya Gever a Colemêrgê; qada Şehîd Rahîme ya girêdayî herêma Avaşînê bi obus, hewan û tankan bombe kir.

13’ê Adarê saet 12.30-00.00’an qereqola Elemûn a li sînorê navçeya Qileban a Şirnexê; qada Şehîd Dîlber û Derarê yên girêdayî herêma Metîna da ber obus û hewanan.

13’ê Adarê saet 12.00-17.30’an qereqola Sîlor a li xeta sînorê navçeya Şemzînan a Colemêrgê; qada Xapûşkê bi helîkopterên Kobra bombe kir û sewqiyata leşkerî pêk anîn.

14’ê Adarê saet 06.30-08.30’an hêzên gerîlayên me li hember qereqola girê Sivrî ya li qada Oremarê ya girêdayî navçeya Gever a Colemêrgê, bi çekên giran çalakî li dar xistin. Di vê çalakiyê de hejmara leşkerên mirî û birîndar nehatin zelalkirin. Piştî çalakiyê ketober derdora qereqolê dan ber obus û hewanan.” 

TEVGERA HEWAYÎ BÊ NAVBER DIDOME

HPG’ê têkîldarî tevgera pêgerên hewayî yên keşfê û balafirên şer jî agahî da, wiha got: “13-14’ê Adarê saet 18.00-09.00’an li ser herêma Zapê, saet 22.00-04.00’an li ser herêma Heftanînê, saet 18.00-06.30’an li ser herêma Metîna, 13’ê Adarê saet 12.30-17.30’an li ser herêma Xakûrkê, 14’ê Adarê saet 02.30-06.30’an li ser herêma Qendîlê, saet 03.30-06.00’an li ser herêma Avaşînê pêgerên hewayî yên keşfê geriyan.

Her wiha 14’ê Adarê saet 03.00-04.30’an li ser herêma Xakûrkê, saet 04.00-06.30’an li ser herêma Zapê, saet di navbera 13’ê Adarê 19.30’an û 14’ê Adarê 05.00’an de li ser herêma Avaşînê tevgera balafirên şer çêbû.”