Navenda Ragihandin û Çapemeniya HPG’ê diyar kir ku hikûmeta Erdogan û AKP’ê li hember berxwedana mezin a li Kurdistanê ti encam bidest nexist, dixwaze bi tevgerên hewayî yên li ser Herêmên Parastinê yên Medyayê encaman bidest bixe.

HPG-BÎM, têkildarî êrîşên balafirên şer ên Tirk ev agahî da:

“Roja 27-28’ê Çileyê saet di navbera 18:00-02:00’an de herêma Xakûrkê ya ji Herêmên Parastinê yên Medyayê, saet di navbera 17:00- 01:00’an de herêma Avaşîn, saet di navbera 20:00-05:00’an de herêma Heftanîn, saet di navbera 23:00-02:00’an de herêma Metîna, saet di navbera 17:00-09:00’an de herêma Zap, roja 28’ê Çileyê saet di navbera 00:30-08:00’an de li ser herêma Garê pêgerên hewayî yên keşfê geriyan.

28’ê Çileyê saet di navbera 03:00-05:00’an de herêma Zap û herêma Garê, 27’ê Çile saet di navbera 12:00-14:30’an de li ser herêma Qendîlê tevgera balefirên şer pêk anîn.

27’ê Çileyê saet di navbera 19:00-20:00’an de qereqola Sîvrî ya girêdayî qereqola Bezelê ya li navçeya Şemzînan a Colemêrgê, herêma Girê Sor ê dikeve sînorê Avaşîn a Herêmên Parastina Medyayê bombardûman kirin.”