Li Gevera ku berxwedana rêveberiya cewherî didome di ketina Taxa Zagrozê de teqînek mezin rûda. Hate zanîn ku di teqînê de gelek tîmên taybet hatin kuştin  û gelek jî  birîndar bûne. 

Li navçeya Geverê ya Colemêrgê ku berxwedana gel didome, pevçûnên giran diqewimin. Ji Fermandariya Alayê ya Navçeyê, Tabûra Efeyan û Qereqola Kamişli topbarana li hemberî taxên berxwedanê 2 roj in bênavber berdewam dike. Li Taxa Zagrozê ku pevçûn zêde bûye, di ketina navçeyê de teqinên mezin rûdan. Dengê teqînan ji her derê navçeyê hate bihîstin û li cihê teqînê şewat derket. Gelek ambulans sewqî cihê teqînê hate kirin û hate zanîn ku di teqînê de gelek tîmên taybet hatin kuştin û gelek jî birîndar bûne. 

Her wiha di nav rojê de bi ambulansan birîndar sewqî  Nexweşxaneya Dewletê ya Geverê hate kirin.