Dewleta Tirk a nikare berxwedana gel a li Cizîrê bişikîne, êrîşên xwe yên bi tank û topan zêde dike. Hêzên dewletê top avêtin maleke li taxa Nûrê ku zarok jî di nav de 30 kes lê hene û tê gotin ku gelek kes birîndar bûne.
Berxwedana Cizîra Botan a li dijî terora dewleta Tirk di roja 25. de dewam dike. Dewleta Tirk a nikare berxwedana gel a li Cizîrê bişikîne, êrîşên xwe yên bi tank û topan zêde dike.
Hêzên dewletê top avêtin maleke li taxa Nûrê ku zarok jî di nav de 30 kes lê hene. Hat ragihandin ku ji ber êrîşê gelek kes birîndar bûne û birîna welatiyên bi navê Husniye Bagdûr û Heznî Dadak giran e.
Ji ber ku topbarana dewleta Tirk dewam dike, kesek nikare xwe bigihîne vê malê, lewma mirovên di hundirê xanî de hewl didin bi xwe birînên xwe bipêçin.
