Li navçeya Amed Rezanê, bi armanca şermezarkirina dorpêçiya li ser Sûrê, ciwan daketin kolanan lê belê polîsên Tirk êrîş kirin. Li ser bersiva ciwanan, şer derket. Hêzên dewletê 2 kes li vir qetil kirin û gelek kes birîndar kirin.

Qeymeqamtiya Tirk a li Baglarê jî, nîvê şevê daxuyaniyek weşand û li taxa Kaynartepeyê derketina derve "qedexe" kir. "Qedexe" ji saet 03:00 û pê ve ket meriyetê.

BERXWEDANA LI DIJÎ ÊRÎŞAN

Şerê li Rezanê ji ber êrîşa polîsan destpê kir, tevahiya şevê dewam kir. Şer û alozî li hemû kolanên taxa Kaynartepeyê belav bû. Gel daket kolanan û li hemberî êrîşên dewleta Tirk li ber xwe dide.

Li navçeyê, saet di 02:30 de elektrîk hat birîn û helîkopterên dewleta Tirk li ser navçeyê geriya.