Li dijî terora dewletê ya li ser Kurdistanê ji bo di herêman de parastina gel, Yekîneyên Parastina Sivîl koordînasyonek hevpar ava kir.

Îlankirina Koordînasyona Giştî ya YPS’ê bi merasîmekê ve ji raya giştî re hat ragihandin. Di daxuyaniya merasîmê de polîtîkayên dewleta Tirk ên ji damezirandina wê heta niha li ser Kurdistanê hat bibîrxistin. Bal hat kişandin ser pêkanînên faşîzma AKP’ê yên li ser Kurdistanê.

Koordînasyona Giştî ya YPS’ê diyar kir ku wê nehêlin hêzên dagirker bikevin qadên wan ên berxwedanê.

Di daxuyaniyê de hat destnîşankirin ku YDG-H wek rêxistinek ciwanan a 6 mehên dawî parastina civakî pêk aniye, êdî pêwîstî pêk heye ku tevahî beşên civakê tevlî bibin û hêzeke parastinê ya prosfesyonel derkeve holê, li navenda gelek bajaran di pêşengiya ciwanên welatparêz şoreşger ên xweparastina rêxistinî pêş dixin de rêxistinên Yekîneyên Parastina Sivîl (YPS) derketiye holê.”