Li navçeya Wan Qelqeliyê 15 kes hatin binçavirin, di nav wan de Hevşaredarê DBP'yî Şerafettîn Ozalp jî heye.

Polîsên Tirk danê sibehê avêtin ser malan û Şaredar Şerafettîn Ozalp û endamên Meclîsa Şaredariyê binçav kirin û birin emniyetê.

Navên çend ji kesên hatine binçavkirin bi vî rengî ne: Hevşaredar Şerafettîn Ozallp, endamên Meclîsa Şaredariyê Salîh Atay, Leyla Tosûn, Ferdî Eryaşar, Nevzat Ûlûsal, Raîf Basût û Fatîh Keleş.

LI ERZÎROM Û STENBOLÊ 6 KES HATIN GIRTIN

Li aliyê din, 6 kesên beriya du rojan li Erzîrom û Stenbolê hatin binçavkirin, hatin girtin. Kesên hatine girtin ev in: Yûnûs Seven, Mûrat Bulbul, Unal Guneş, Savaş Çîftçî û Ozcan Acar. Çayan Kahraman ê li Stenbolê hat binçavkirin hat girtin.