Cenazeyê gerîlayê HPG'ê Serdar Acar (Dilşad Tolhildan) ê di 8'ê Tîrmehê de li ser rêya Bebleşîn a Elbaka Wanê di şer de jiyana xwe ji dest dabû, ji aliyê malbatê ve ji Wanê hate wergirtin û li gundê Dêrê ya navçeya Çelê ya Colemêrgê hate definkirin. Rêveberên HDP û DBP'ê, endamên meclîsa şaredariyê, rêveberên MEYA-DER'ê jî beşdarî merasîma cenazeyê bûn. Welatiyên gundê geliyê Zê jî cenaze pêşwazî kirin û bi konvoyê ve cenaze anîn mizgefta gund, li vir nimêj hate kirin.

Piştre cenaze birin goristana Gundê Rintkê û li vir bi duayan ve hate definkirin. Ji bo Acar wê li mizgefta Taxa Çemê Qulgulê ya gundê Dêrê sersaxî bên qebûlkirin.