Navenda Ragihandin û Çapemeniyê ya HPG’ê têkîldarî êrîşên dewleta Tirk û çalakiyên gerîla daxuyaniyek nivîskî weşand. Di daxuyaniyê de HPG’ê got: “7’ê Adarê saet 22.00’an yekîneyek gerîlayên me li hember kuluba nobedê ya qereqola 10’ê Nîsanê ya polîsan ku li navenda Êlihê ye, bi çekên roketavên ên B7 û çekên ferdî çalakiyek li dar xistin. Di vê çalakiyê de hejmara leşkerên mirî û birîndar nehatin zelalkirin.

9’ê Adarê saet 16.30’an hêzên gerîlayên me li hember qereqola Korxê ya girêdayî navçeya Licê ya Amedê çalakiyek li dar xistin. Di çalakiyê de hejmara mirî û birîndaran nehatin eşkerekirin. 

9’ê Adarê saet 16.30-18.30’an hêzên gerîlayên me rêya Amed-Çewlikê girtin bin kontrola xwe. Hêzên me li vir nêzî 200 wesayîtî rawestandin, kontrolên nasnameyan kirin, têkîldarîn pêvajoyê gel agahdar kirin.”

BALAFIRÊN ŞER GOVENDÊ BOMBE KIRIN

HPG’ê wiha dewam kir:

“10’ê Adarê saet 10.00-11.00’an ji qereqola Silor a li sînorê navçeya Şemzînan a Colemêrgê bi piştgiriya Helîkopterên Kobra ve bi helîkopterên Skorsky li qada Xapûşkê leşker hatin danîn. Heman rojê saet 14.00-17.00’an helîkopterên Skorsky li qada Xapûşkê alavên leşkerî danîn. Bi malzemeyên tên ve çeperên leşkerî tên avakirin.

10’ê Adarê saet 14.00-15.00’an balafirên şer ên TC qada Govendê ya li sînorê Şemzînana Colemêrgê bombe kirin.

10’ê Adarê saet 20.00-20.30’an qereqola Mamreş a li xeta sînorê navçeya Şemzînan a Colemêrgê; mintiqayên Tepê Ronahî û Hopê yên girêdayî herêma Avaşînê, saet 20.00-21.00’an qereqola Zeytê ya li sînorê navçeya Gever a Colemêrgê qadên derdora xwe, saet 15.30-16.30’an û 11’ê Adarê saet 05.00-06.00’an qereqola Oremar; qada Şehîd Rahîme bi obus, hewan û tankan bombe kirin.
 
10’ê Adarê saet 21.00-23.00’an qereqola Elemûn a li sînorê navçeya Qileban a Şirnexê; qada Şehîd Dîlber a girêdayî herêma Metîna da ber obus û hewanan.
10’ê Adarê saet 21.30-22.30’an qereqola Bîlîcanê ya li sînorê navçeya Çelê ya Colemêrgê, qaden derdora xwe da ber çekên giran.”

‘TEVGERA HEWAYÎ DIDOME’

HPG’ê têkîldar tevgera balafirên şer û pêgerên hewayî yên keşfê jî agahî da, wiha got: “10’ê Adarê saet 07.00-09.30’an û 14.00-17.00’an li ser herêma Xakûrkê, saet 10.00-12.00’an û 19.00-20.00’an li ser herêma Avaşînê, saet 17.00-21.00’an li ser herêma Zapê, 11’ê Adarê saet 00.00-02.00’an li ser herêma Heftanînê pêgerên hewayî yên keşfê geriyan. Her wiha 10’ê Adarê saet 14.00-15.00’an li ser herêma Xakûrkê tevgera balafirên şer çêbûn.”