Di serdegirtina avahiya DBP’ê ya bajarê Agiriyê de 20 kes hatin binçavkirin.

Li Kurdistanê bi nêzbûna pîrozbahiyên Newrozê operasyonên qirkirina siyasî jî berfirehtir dibe. Li Agiriyê polîsan bi ser avahiya bajêr a DBP'a Agiriyê de girtin û herî kêm 20 kes binçav kirin. Kesên hatin binçavkirin birin Midûriyeta Emniyetê ya Agiriyê û hate diyarkirin ku dibe hejmara kesên hatine binçavkirin zêdetir bibe. Hate ragihandin ku polîsan deriyê avahiyê şkandine û ketine hundir.

Navên kesên ku hatine binçavkirin ev in: Rêveberên rêxistina bajêr a DBP'a Agiriyê Nevzat Ayna, Tûran Çabûk, Semîh Kaya û Cengîz Araç, Alîkarê Hevşaredarê Agiriyê Halef Keklîk û endamên DBP'ê Mursel Yalçin, Îrfan Yildiz, Rojdan Erez, Ozlem Demîr, Fatma Arig, Mehmet Erçelîk, Cemal Akkural, Zeynep Mete, Hayrettîn Budak, Salîh Coşkun, Alî Çokel, Guner Alptekîn, Mehmet Akkuş, Cemil Oguz û welatiya bi navê Elîf a ku paşnava wê nehat zanîn.