Li bajarê Dusseldorf ê Elmanya terora dewleta Tirk a li ser Kurdistanê bi awayekî girseyî hat protestokirin. Girseya ku di çalakiya bi banga Komuna Jinan a Dusseldorf û Navenda Civaka Kurd a Demokratîk a Dusseldorfê hatin cem hev de pankarta, “Em ê rê nedin faşîzma AKP’e û DAIŞ’ê, berpirsiyarê qetlîamên li Kurdistanê AKP’e ye” hat vekirin. Di çalakiya li pêşiya Dusseldorf HBF’ê saet 18.00’an hat lidarxistin de dirûşmeyên “Qatilê Zarokan, Qatilê Jinan, DAIŞ-Erdogan” hatin berzkirin.

Çalakiyê nêzî saetekê dewam kir. Li ser êrîşa faşîstan, polîsan mudaxele kir. Ji ber aloziyê polîsan 2 kes binçav kirin. Piştî hevdîtinan, polîsan çalakvan serbest berdan.