Partiya Herêmên Demokratîk (DBP) encamnameya civîna Meclîsa Partiyê ku di 9-10’ê Tîrmehê li Salona Meclîsa Şaredariyê ya Peyasê pêk anî eşkere. Di danezanê e de ku bi mebesta salvegera mirinê bi bîranîna Vedat Ayin dest pê kirî wiha hate gotin:

"Polîtîkaya hundir û derve ya ku hikûmeta AKP’ê têkildarî bûyer û qewimînên siyasî dimeşîne Tirkiye xistiye nava rewşeke xitimandî, di serî de dewletên cîran di qada navdewletî de bi  helwesteke tund hatiye pêşwazîkirin û bûye sedem ku Tirkiye di asta herî bilind de pêbawerî xwe winda bike. Polîtîkayên AKP’yê yên otorîter, zordar, cihêkar, mezhebî û şerxwaz ku li hundir û derve dimeşîne, hem ji bo civaka Tirkiyê û hem jî ji bo civakên herêmê rê li ber encamên pir hilweşîner vekiriye. Di van demên dawî de manewrayên ku li ser navê başkirina têkiliyan a bi hin dewletan re têne kirin, nîşana xilasbûnê ye…

Ji roja ku li Sûriyê şerê navxweyî dest pê kirî û heya niha hikûmeta AKP’ê li dijî Rojava û gelê Kurd polîtîkayeke dijminane meşandiye û her cure derfet û delîve ji bo rêxistinên terorîst ên wekî DAIŞ, El-Nûsra û komên selefî yên çete pêk aniye û ew bi ser destketiyên gelê Kurd de şandine gelê Kurd li dijî êrîşên bi paşmêriya AKP’ê berxwedaneke bêhempa nîşan daye û ev polîtîka bi giştî têk biriye.

AKP ya ku ji polîtîkaya Sûrî rantê dixwe, ber pê nehat ku mafê bicihbûnê û kar bide penaberên Sûriyeyî. AKP bi polîtîkaya 'em mafê hemwelatiyê bidin' hem rewşa penaberan ji xwe re dike malzemeya polîtîk û hem jî dixwaze pê avaniya demografîk a Elewî û Kurdan biguherîne. Em bang li raya giştî dikin ku li dijî polîtîkaya bi fen û fût a AKP’ê ya têkildarî penaberên Sûriyê dengê xwe derxînin."

'BI QEYÛMÊ ÊRÎŞÊN NÛ TÊNE ARMANCKIRIN'

Di encamnameyê de hate gotin di pêvajoya dawî de li dijî demokrat, endamên partiya wan û nûner û xebatkarên wan binçavkirin û girtin bi xurtî berdewam dikin û li gel vê jî hikûmeta AKP’ê bi hilweşîna ku pêk aniye têr nebûye û hewl de polîtîkayên zextkar, faşîzan û zordar bidomîne û têkildarî qeyûman jî hate gotin: "Hikûmet di bin navê qeyûman de niyeta xwe eşkere kiriye ku ew ê konsepteke nû ya êrîşan bide meşandin."

JI BO GEL Û PARTIYAN BANG

Daxuyaniyê wiha dewam kir: "Partiya me weke berpirsyariyeke jênerevîn dibîne ku konsepta şer a ku AKP ferz dike, bi piştgiriya gel, bi helwesteke demokratîk, bi berxwedanê pûç bike. Em bang li rêxistinên xwe yên partiyê, endam û xebatkar û gelê xwe dikin ku bi vê berpirsyariyê rabin û berxwedeneke wiha nîşan bidin ku konsepta şer a AKP’ê têk bibin."