Li kantonên Rojava çalakiyên piştgiriyê yên ji bo berxwedana xwerêveberiyên Bakurê Kurdistanê dewam dike. Bi hezaran ciwanên Rojava ji bo ku tevlî meşê bibin li pêşiya Navenda Ciwanan a Dirbêsiyê hatin cem hev û ji vir berê xwe dan konê piştgirîdayîna Bakurê Kurdistanê.

Ciwanan di meşê de pankartên “Em berxwedana YPS, HPG, YPG û YPJ’ê silav dikin” û “Bijî berxwedana ciwanên Bakurê Kurdistanê” hilgirtin. 

Ciwanan bênavber dirûşmeyên berxwedana li Bakurê Kurdistanê silavdikin, berz kirin û di kolan û bazara Dirbêsiyê re derbas bûn. 
Ciwan piştre jî çûn konê piştgiriya berxwedana Bakurê Kurdistanê.