Navenda Ragihandin û Çapemeniyê ya HPG'ê li ser êrîşên artêşa Tirk ên li hemberî qadên gerîla daxuyaniyeke nivîskî weşand. Di daxuyaniyê de li ser topbaranê ev agahî hatin dayîn:

"Roja 8'ê Adarê saet di 15:00-15:30 û 9'ê Adarê (îro) saet di navbera 00:30-05:30 de qereqola Oremarê ya li navçeya Colemêrg Geverê; Girên Şehîd Rahîme û Şehîd Dîren, roja 8'ê Adarê saet di navbera 21:00-22:30 de qereqola Sîvrî tepe jî Girê Sor bi obus, hawan û tankan bombe kirin.

8'ê Adarê saet di navbera 14:30-15:00 de qereqola Tepê Sor a li navçeya Colemêrg Çelê; Girên Şehîd Mazlûm û Şehîd Şoreş ên li herêma Metîna, saet di navbera 12:30-23:30 de qereqola Elemûn a li navçeya Şirnex Qilabanê; qada Şehîd Dilber dan ber obus, hawan û êrîşa bi tankan.

8'ê Adarê saet di navbera 10.00-10:30 de qereqola Êrîş a li navçeya Colemêrg Çelê; Girê Şehîd Elîşêr ê li herêma Zapê û gundê Zerê, saet di navbera 17:00-17:30 û roja 9'ê Adarê saet di navbera 07:30-08:00 de qereqola Êrîşê; Girê Xeregol, gundên Zerê û Reşmê, saet di navbera 15:00-16:00 de qereqola Serê Sevê; Cehennem Tepesî û qada Çiyayê Reş bi obus û hawann bombe kirin.

8'ê Adarê saet di navbera 16:00-17:00 de balafirên şer ên artêşa TC bombe li qada Govendê ya li Zagrosê barandin."

TEVGERA HEWAYÎ

HPG'ê der barê tevgera hewayî de jî ev agahî da: "Roja 8'ê Adarê saet di navbera 12:00-16:0 de li herêma Xakurkê, saet di navbera 14:00-20:00 de li herema Metîna, saet di navbera 10:00-23:00 de li herêma Zapê, saet di navbera 14:30-21:00 de li qada gundê Filleha yê herêma Zapê, saet di navbera 16:00-17:30 de li herêma Kangîlê, 8-9'ê Adarê saet di navbera 13:00-06:00 de li herêma Avaşînê balafirên keşfê yên bê mirov geriyan û keşif kirin.

Roja 8'ê Adarê saet di navbera 13:00-16:00 de li herêma Zapê, saet di navbera 16:00-16:30 de li herêma Xakurkê, roja 9'ê Adarê saet di navbera 01:00-03:00 de li herêma Avaşînê balafirên şer geriyan."