Navenda Ragihandin û Çapemeniya HPG’ê der barê tevgera hewayî û bomberdûmanên artêşa Tirk de daxuyaniyek nivîskî weşand.

HPG’ê diyar kir ku êrîşên bi obus û hewanan her ku diçe zêdetir dibe,

“Roja 21’ê Tebaxê saet navbera 21:00 – 22:00’an de qereqola Tepê Çete ya li ser xeta sînor a herêma Zagros a girêdayî Herêmên me yên Parastinê yên Medyayê herêmên derdora xwe bi obus û hewanan bi awayekî rasterast bombebaran kiriye. Bomberdûmanên artêşa Tirk li herêmên me yên gerîla her ku diçe zêdetir dibe.

Li gorî vê;

Roja 21’ê Tebaxê di saet 10:30’an de qereqola Rûbarok a li ser xeta sînor a herêma Avaşîn; herêma Govendê, saet di navbera 16:30 – 17:30’an de qereqola Grana; herêma Şehîd Gafûr, roja 22’ê Tebaxê saet di navbera 05:00 – 06:00’an de qereqola Oremarê; herêma Şehîd Gafûr bi obus, hewan û tankan bombebaran kiriye.

Roja 21’ê Tebaxê saet di navbera 22:00 – 23:00’an de qereqola Elemûn a li ser xeta sînor a herêma Metîna; girê Dêrsim, qûntara Zendûra bi obus û hewanan bombebaran kiriye

Roja 21’ê Tebaxê saet di navbera 09:00 – 10:00’an de qereqolên Girê, Serê Sêvê, Şkêr û Tepê Ortê yên li ser xeta sînor a herêma Zapê; herêmên Şehîd Mazlûm, Latê Kewa, Kale Nerwa û Tepê Komunîstan yên li herêma Çiyayê Reş, saet di navbera 11:00 – 12:00’an de qereqola Bilîcan; herêma Tepê Hakan, roja 22’ê Tebaxê saet di navbera 05:00 – 06:00’an de qereqolên Tepê Ortê û Bilîcanê; herêmên Gundê Hilal, Dola Şîfreza, Kanî Cinnetê, gundê Erbîş, Şehîd Şiyar, Şehîd Zekî, Boxaza Xusro, gundê Zevê û Gareyê Biçûk bi obus, hewan û tankan bombebaran kirine.”

TEVGERA HEWAYÎ DIDOME

HPG’ê der barê tevgera hewayî de ev agahî parve kirin:

Roja 21’ê Tebaxê saet di navbera 12:30 – 13:00’an de tevgera balafirên şer ên artêşa Tirk li ser herêma Gare ya Herêmên me yên Parastinê yên Medyayê rû daye. Her wiha roja 22’ê Tebaxê saet di navbera 07:30 – 11:00’an de pêgerên hewayî yên bê mirov li ser herêma Garê geriyane.

Roja 21’ê Tebaxê şewata piştî êrîşa hewayî ya li qûntarê gundê Mijê ya girêdayî navçeya Amediyê destpê kir hê jî didome.

Roja 21’ê Tebaxê saet di navbera 10:00 – 17:00’ê û 19:00 – 22:00’an de li ser herêma Zapê pêgerên hewayî yên bê mirov geriyane. Her wiha saet di navbera 12:00 – 13:30’an de tevgera balafirên şer jî li ser herêmê pêk hatiye.”