Navenda Ragihand û Çapemeniya HPG’ê ragihand ku balafirên artêşa Tirk gundên Keşan ê Heftanînê bomberdûman dikin.

Di daxuyaniya HPG’ê ya têkildarî bomberdûmana herêmên Bakur-Başûr de ev agahî hatin parvekirin:

Navenda Ragihand û Çapemeniya HPG’ê diyar kir ku êrîşên şerên qirêj ê dewleta Tirk a ku her roj li Kurdistanê berdewam dike, ji bo veşartina têkçûna artêşa xwe bi awayekî dijwar êrîşên hewayî li dar dixin.

Daxuyanî wiha ye: “Artêşa TC di encama bomberdûmankirinên hewayî de ti encam bi dest nexistin, vê carê jî êrîşan li hemberî cihên sivîl ên ku gundî lê dijîn dikin. 9’ê Adarê artêşa Tirk gundên girêdayî Qendîl û gundên Keşan ê Heftanînê bomberdûman kirine.”

HERÊMÊN CIHÊN SIVÎL Ê JIYANÊ YÊN HEFTENÎNÊ TÊN BOMBERDÛMANKIRIN

Di berdewamiya daxuyaniyê de têkildarî êrîşên hewayî ev agahî hatin parvekirin:

“9’ê Adarê saet 20:00-00:00’an de balafirên şer ên Tirk; goristanên gundên Enzê, Qalatûka û Pirdeşalê yên girêdayî herêma Qendîl a ji Herêmên Parastinê yên Medyayê bomberdûman kir.

9’ê Adarê saet 21:00-23:00’an de balafirên şer; gundê Keşan ê girêdayî Heftanînê bomberdûman kir. Di endacama bomberdûmanê de 2 malên gundiyan bi temamî hilweşiyan. Di vê êrîşê de ti ziyan negihiştin sivîlan, lê ziyanekî madî pêk hat.

9’ê Adarê saet 20:00-21:00’an de balafirên şer; herêma Kanî Reşê yê girêdayî herêma Xakûrkê ya Herêmên Parastinê yên Medyayê bomberdûman kir.”

LI SER XETA SÎNOR BOMBERDÛMAN DIDOME

Di daxuyaniya HPG’ê de têkildarî bomberdûmana li ser xeta sînor, di serî de li hember herêma Oremarê ev agahî hat dayîn:

“10’ê Adarê (îro) saet 05:30-07:00’an de qereqola Oremar a girêdayî navçeya Gever a Colemêrgê; Girê Şehîd Rehîme, Şehîd Gafûr, Şehîd Egîd, Şehîd Feraşîn, Şehîd Alîşêr, Dola Bîra, Gundê Ertûş û herêma Geliyê Avaşîn, saet 06:30-07:00 qereqola Girê Sîvrî; herêma Govendê, 9’ê Adarê saet 12:30- 13:00’an de qereqola Mamreş; herêma Girê Ronahî bi obus, hewan û tankan bomberdûman kirin.

9’ê Adarê saet 13:00-16:00’an de qereqola Serê Sêvê ya girêdayî navçeya Çelê ya Colemêrgê; herêma Sirtê Çarserê û Sirtê Kûvî yê girêdayî herêma Zapê, 10’ê Adarê saet 07:00-12:30’an de qereqola Serê Sêva, Şkêr û Girê; Girê Cehenem, Çiyayê Reş, Sirtê Yekdarê, Latê Kewa, gundê Kanî Sarkê û herêma Sirtê Kûvî bi obus, hewan û tankan bomberdûman kir.

9’ê Adarê saet 14:30-19:00’an de qereqola Elemûn a li ser sînorê naçeya Qilaban a Şirnexê; Girê Şehîd Dîlber ê girêdayî herêma Metîna, 10’ê Adarê qereqola Girê Sor ê li ser sînorê Çelê yê Colemêrgê; herêmên Girê Şehîd Şoreş û Girê Hekarî bi obus û hewanan bomberdûman kir.”

LI SER HERÊMÊN PARASTINÊ YÊN MEDYAYÊ TEVGERÊN HEWAYÎ

Di daxuyaniyê de têkildarî tevgerên hewayî yên li ser Herêmên Parastinê yên Medyayê jî ev agahî da:

“9’ê Adarê saet 12:00-15:00’an de li ser herêma Zapê, saet 13:00-00:00 li ser herêma Qendîl, saet 15:30- 22:30’an de li ser herêma Xakûrkê, saet 18:00-19:00’an de li ser herêma Garê, saet 19:00-23:00 li ser herêma Metîna, saet 20:00-23:00 li ser herêma Avaşîn, saet di navbera 05:30’an û 10’ê Adarê jî (îro) 05:00’an de li ser herêma Heftanînê pêgerên keşfê geriyan.

9’ê Adarê saet 19:00-23:00’an li ser herêma Metîna, saet 20:00-22:30’an li ser herêma Qendîl, saet 13:30- 14:30 û di navbera 20:00 û 10’ê Adarê 03:00’an de li ser herêma Zapê tevgerê balefirên şer pêk hatine.”