Polîsan li Elezîzê êrîş birin ser jinên KJA’yî yên polîtîkayên şer ên AKP’ê protesto dikirin, ji 10’an zêdetir jin binçav kirin.

Rêxistina HDP'ê ya Elezîzê û endamên KJA'yê yên Elezîzê bi armanca şermezarkirina polîtîkayên şer ên AKP'ê ji Nexweşxaneya Dewletê ya Elezîzê heya Otogara Elezîzê xwestin bimeşin. Polîsan destûr nedan meşê û li hemberî vê yekê jinan dest bi çalakiya rûniştinê kirin. Piştî çalakiyê endama KJA'yê Zeynep Gedîk daxuyaniyek kurt da û diyar kir ku polîtîkayên şer li ser bedena jinan tê meşandin û divê demldest dawî li vî şerî bê anîn.

Piştî daxuyaniya Gedîk polîsan bi ava şid û bombeyên gazê êrîşî jinan kirin. Di encama êrîşê de 10 jin hatin binçavkirin û birin Midûriyeta Polîsan a Elezîzê.