Li bajarokê Ansbach ê eyaleta Bavyera ya Elmanyayê, duh bi şev saet di 22:30 de, teqînekê rû da. Der barê bûyera ku ewilî hat gotin teqîna ji ber gazê ye, polîsan daxuyaniyek dan û diyar kirin, teqîn êrîşeke bombeyî ye.

Di daxuyaniya polîsan de hat ragihandin, kesê bombe pê re bû di bûyerê de miriye û 12 kesê li derdorê birîndar bûne.

Li gorî agahiyan, li nêzî cihê tqeînê konserek bi beşdariya 2 hezar kesî dihat lidarxistin û tê gotin hedefa êrîşî dibe ku ev konser be.

Li ser nasname û armanca kesê êrîş kir, ti agahî nehat dayîn.