Wezîrê Parastinê yê Dewletên Yekbûyî yên Emerîkayê (DYE) Pete Hegseth derbarê xurtkirina peywendiyên li gel Iraqê û mijara çekdanînê de li ser tora medya dijîtal ya X peyamek belav kir.

Pete Hegseth ragihand ku xurtkirina peywendiyan li gel Iraqê bi wê yekê ve girêdaye ku Bexda çekên mîlîsên hevpeymanên Îranê deyne û serweriya xwe bisepîne.

Her wiha Hegseth diyar kir ku mîlîsên hevpeymanên Îranê di nav îsal de zêdetirî 600 êrişan li ser karmendên Amerîkayê pêkanîne û got: “Washington libendê ye ku hêzên ewlehiyê yên Iraqê, di hewldanên têkbirina rêxistina DAIŞ’ê de rola serkêşiyê bigrin ser milê xwe. Iraqeke aram dergeh li ber hevkarî û bazirganiyên bihêz ên parastinê vedike.”