Li bajarokê Endîşe yê li nêzî paytexta Îran Tehranê ye, agir bi navendeke bazarê ket. Li gorî agahiyên ku ji aliyê televîzyona dewletê ve hatin ragihandin, ji ber şewatê herî kêm 8 kes mirin, nêzî 40 kes jî birîndar bûn.

Rayedaran diyar kirin ku roja Sêşemê li navenda bazarê ya ku nêzî 250 dikan û 50 ofîs lê bûn, şewatê destpê kir. Li gorî dîmenên ku ji aliyê medya Îranê ve hatin weşandin, agir bi gelek qatên avahiyê ket û dûyekî reş bi ser herêmê ve ket.

Piştî bûyerê dozgeriyê ji bo diyarkirina sedema rûdana şewatê lêpirsîn da destpêkirin. Di çarçoveya lêpirsînê de biryara girtina muteahhîdê avahiyê hate dayin.