Hat îdîakirin ku hevdîtinên navbera Dewletên Yekbûyî yên Emerîka (DYE) û Îranê, gihiştiye qonaxeke girîng.

Li gorî Axios, her du alî li ser peymanekê dixebitin ku şer bi dawî bike û çarçoveya muzakereyên nukleer hîn berfirehtir diyar bike.

Di nûçeyê de li gorî agahiyên hatî spartina çavkaniyên nêzî rayedarên DYE’yê, Washington di nava 48 saetên pêşiya me de li benda bersiva Tehranê ye.

Li gorî îdîayan, tê pêşbînîkirin ku di çarçoveya peymanê de Îran dewlemendkirina uranyumê bi rengekî demkî rawestîne, DYE jî pêkanînan rake û fona Îranê ya bi milyaran dolarî ya hatî rawestandin car din bixe meriyetê.

Her wiha rakirina astengiyên li Kendava Hurmuzê jî, di nava madeyên peymanê de ye.

Çavkanî diyar dikin ku hîna peymaneke bi encam çênekirine, lê belê ji destpêka şer û vir ve her du alî cara ewilî ev qasî nêzî lihevkirinê bûne.

Li aliyê din, Pakistanê jî peyama piştgiriyê da pêvajoyê. Serokwezîrê Pakistanê Şahbaz Şerîf li ser platforma medyaya dîjîtal X’ê daxuyanî da û diyar kir ku ew bi hêvî ye ku geşedanên heyî yên li Kendava Hurmuzê, ji aştiyê re zemîn amade bike.

Şerîf rawestandina operasyona “Projeya Azadiyê” ya Serokê DYE’yê Donald Trump weke “gaveke girîng a di demê xwe de hatî avêtin” nirxand û got, ev gav wê tevkariyê li aştiya herêmî, îstiqrar û lihevkirinê bike.

Şerîf destnîşan kir ku Pakistan wê piştgiriya ji bo hewldanên çareseriya bi rêya diyalog û dîplomasiyê bidomîne û banga xwînsarî û helwesteke berpirsyarane li aliyan kir.