Serokê Rêxistina HDP'ê ya Îzmîrê Cavît Ûgûr li Qereqola Polîsan a 100 Yil a li Taxa Ataturkê, rastî heqaret û hewldana lêdanê hat. 

Serokê Rêxistina Partiya Demokratîk a Gelan (HDP) ya Îzmîrê Cavît Ûgûr, ji bo der heqê binçavkirina Xwendekarekî Zanîngeha Ege'yê de agahiyan bistîne çû Qereqola Polîsan a 100 Yil a li Taxa Ataturkê. Lê belê polîsên li vê derê heqaret li Ûgûr kirin û hewl dan lê bidin. Polîsan Ûgûr demekê li odeya lêpirsînê ragirtin û piştre serbest berdan.

Ûgûr ragihand ku ew li qereqolê rastî tundiyê hatiye û anî ziman ku ewê giliyê polîsên heqaret li wî kirine û hewl dane lê bide, bike.