Piştî rêze civînên gel ên hefteya derbasbûyî bi beşdariya Parlamenterê HDP'ê yê Çewlikê Dr. Hişyar Ozsoy li Zurîch û Lûzernê pêk hatin, wê Parlamenterê HDP'ê yê Mêrdînê Prof. Dr. Mîthat Sancar ji bo konferans û civînên gel were Swîsreyê.

Sancar wê li zanîngehên Zurîch û Baselê beşdarî du konferansên cuda bibe. Piştî tevlîbûna li civîna gel a 26'ê Îlonê ya li St. Gallenê wê Sancar li Sangansê bi Asûrî-Suryaniyan re rûnê.

Di 27'ê Îlonê de wê li Zurîchê beşdarî 'kombûna gel' bibe û dûre tevî Serokê Giştî yê Federasyona Elewiyan a Swîsreyê Cem Bîtnel û namzetê HDP'ê yê Îzmîrê Muslum Dogan, beşdarî panela li Salona Dawetê ya Wînterthûr Paşa ya Platforma Hilbijartinê ya HDP'ê ya Swîsreyê bibe.

Sancar wê heman rojê beşdarî civîneke gel a li Navenda Civaka Giştî ya Bernê bibe û dawî li serdanên xwe yên li vî welatî bîne.