Li paytexta Hollanda Amsterdamê, Navenda Civaka Demokratîk a Kurd çû serdana Rêxistina Efûyê ya Navneteweyî û dosyayek li ser daxwazên xwe pêşkêş kir.

Kurdistaniyên ji bo balê bikişînin ser komkujiyên AKP li Bakurê Kurdistanê dike çûn serdana Rêxistina Efûyê, di hevdîtinê de ev mijar nirxand:

"Di serî de li Amed, Nisêbîn, Cizîr û Liceyê li gelek deverên Kurdistanê rewşa awarte hatiye îlankirin. Mirov tên qetilkirin, rastî îşkenceyê tên. Li Enqere, Konya, Kirşehî û gelek bajarên din ên Tirkiyeyê, tevî navenda giştî li hemberî 130 buroyên HDP'ê êrîş hatin kirin û hatin şewitandin. Mirov tên lînçkirin. Destûr nayê dayîn ku cenazeyên zarokên li Kurdistanê hatine kuştin, bên rakirin, bên veşartin. Cenaze di hundirê sarincê de tên ragirtin."

RÊXISTINA EFÛYÊ: EM Ê BIKEVIN NAVA TEVGERÊ

Di hevdîtinê de, ji bo hîn bêhtir komkujî neqewimin bang li Rêxistina Efûyê ya Navneteweyî hat kirin ku bi lezgînî bikeve nava tevgerê û çalakiyan. Nûnerê Maseya Tirkiyeyê yê Rêxistina Efûyê jî da zanîn ku ew bi tirs û fikar bûyeran dişopînin û da zanîn ku ew ê ji îro û pê ve bi navenda xwe ya li Îngilîstanê re dest bi çalakiyan bikin.