Kovara Ciwanên Welatparêz a ku du mehan carekê bi zimanê Kurdî û Tirkî tê weşandin, bi mijarên nû ku behsa ruhê têkoşîn, exlaqê berxwedanê û pêşketina îdeolojîk dike derket. Manşeta vê hejmarê, “Bi ruhê hevrêtiya komunal, em ji bo avakirina komunan seferber bibin.”

Di vê hejmarê de nivîsên xweser û xurt ên ku di mijara ciwanan de perspektîfên nû pêşkêş dikin, hene. Nivîsa Rêber Apo ya bi sernavê "Îro tişta ku me kiriye û bi dest xistiye pêşxistina îdeolojiya Kurd e" armanc dike ku di ciwanan de hêza îdeolojîk û hesta berpirsiyartiya dîrokî bê xurtkirin.

Di nivîsa bi sernavê "Ciwan ruh û enerjiya Komunê ne" de bal tê kişandin ser hesta yekîtî û hêza çalakiyê ya kolektîf ku hevalbendiya komunîst tîne ber ciwanan. Ev nêzîkatî hevgirtina di navbera ciwanan de pêş dixe û wan teşwîqê têkoşîna kolektîf dike.

Perspektîfa jina ciwan a bi sernavê "Bi guhdarîkirina xwezayê re veguherîna mirovan" cihê girêdana bi xwezayê re di nava têkoşîna azadiyê de vedibêje. Ev nivîs hîn bêhtir rola jinên ciwan a di berxwedanê de radixe pêş çavan.

Di beşa Şervanên Heqîqetê de, jiyan û berxwedana Şehîd Hogir Nûhat tê vegotin.

Nivîsa bi sernavê 'Ji 14'ê Tîrmehê heta 15'ê Tebaxê du Fermandarên Mezin' jiyana têkoşer Şehîd Agît û Şehîd Kemal Pîr vedihewîne. Ev nivîs di nava ciwanan de ruhê qehremanî, fedekarî û berpirsyariya şoreşgerî xurt dike.

Di beşa çand û hunerê de, behsa zimanê berxwedana hunerî ya Şehîd Hozan Serhad tê kirin.

Nivîsên lêkolîn û analîzê armanc dikin ku ciwan bibin xwedî agahî û bi awayekî bi zanabûn tevlî pêvajoyê bibin.

Hûn dikarin li ser navnîşanên li jêr xwe bigihînin hejmara nû ya kovara Ciwanên Welatparêz:

https://t.me/yurtsevergenclik
https://komalen-ciwan.com