Ciwanan wêneyên mezin ên Rêberê Gelê Kurd Abdullah Ocalan, alên PKK, KCK, PYD û YPG'ê bi konan ve kirin. Ciwan ji Swêdiyên li bajarê Gavle re rewşa dawî ya li Kurdistan û Tirkiyeyê vedibêjin, ji wan dixwazin ku li dijî polîtîkaya şer a dewleta Tirk derkevin û destekê bidin gelê Kurd.

Çalakî ji aliyê Komîsyona Ciwanan a Navenda Civaka Demokratîk a Kurd li Gavleyê ve tê organîzekirin. Ciwan bi armanca teşhîrkirina polîtîkaya şer a AKP'ê belavokan belav dikin.

Ciwanan dan xuyakirin ku heta şerê li Kurdistanê were qedandin û polîtîkaya tecrîdê ya li ser Ocalan bê rakirin, ew bi biryar in çalakiyên xwe bidomînin û bang li hikûmeta Swêdê kirin, ku li hemberî AKP'ê helwestê nîşan bide. Ciwanan her wiha ji Kurdistanî û dostên wan jî xwest ku baldar bin û piştgiriya xwe ya ji bo Tevgera Azadiyê ya Kurd zêde bikin.