Cîgira Serokê PEN’a Navneteweyî Lucina Kathmann, di nameyeke vekirî de ku ji serok, kongre û gelê Emerîkayê re nivîsiye de projeya rêveberiya demî ya Rojava wekî gaveke erênî nirxand û got: ‘‘Divê hun bi xweşbînî nêzîkî herêmeke otonom a Kurdan li Rojavayê Kurdistanê bibin.”

Lucina Kathmann di nameyê de balê dikşîne ser zehmetiyên ku Kurdên Rojavayê Kurdistanê di hilbijartina riya sêyemîn de kişandine û wiha dom kir: ’’Ne hêsane ku tevî hemû êrîşên dijwar ên komên radîkal, Kurd herêma xwe biparêzin.” Kathmann di nameya xwe de herwiha behsa rola mezin a jinên Kurd a li Rojavayê Kurdistanê kir.

Katmann wiha dom kir: ‘‘Li Iraqê, xelkê Kurdistanê bi avakirina herêmeke serbixwe derfetên mezin ji bo pêşvebirina aştî, kar û danûstandinên çandî, xetên navnetewî yên firokevaniyê ji bo Hewlêrê ava kirine. Li aliyê din rewşa Iraqê jî berbi çav e û bawerim avakirina herêmeke serbixwe li Rojavayê Kurdistanê jî di berjewendiya Emerîkayê de ye.”