10'emîn civîna 8'emîn rûniştina doza sereke ya ‘KCK'ê ya Stenbolê ku 91 jê girtî bigiştî 205 siyasetmedarên Kurd û akîvîtên mafê mirovan têne darizandin li 15'emîn Dadgeha Cezayên Giran a Stenbolê didome. Di rûniştina îro de Celalettin Delibaş parastin kir û anî ziman ku, ji ber di salên 1970'ê de kurdan gotina Kurd û Kurdistan bilêv dikirin, her tişt dihat serê wan û îro Serokê Herêma Federal a Başûrê Kurdistanê Barzanî bi xalîçeyên sor tê pêşwazîkirin. Delîbaş da zanîn ku, ev îdîa li diji ruhê dem û pêvajoyê ye.

10'emîn civîna 8'emîn rûniştina doza sereke ya ‘KCK'ê ya Stenbolê ku 91 jê girtî bigiştî 205 siyasetmedarên Kurd û aktîvîstên mafê mirovan tên darizandin, li 15'emîn Dadgeha Cezayên Giran a Stenbolê berdewam kir. Di rûniştina îro de 87 girtî û 12 kesên serbest têne darezandin 99 siyasetmedar û parêzerên wan amade bûn. Di rûniştina îro de siyasetmedar Celalettin Delibaş parastin kir. Delîbaş anî ziman ku, sedema darezandina wan a li vir ji ber ku pirsgirêka Kurd hêj didome û wiha got: "Ger ku îro pirsgirêka Kurd hatibûya çareserkirin em dê li vir nehatibana darezandin. Heta ku pirsgirêka Kurd neyê çareserkirin daxwazên gelê herêmê yê aştî û demokrasiyê pêk nayê. Ev pirsgirêk bi avêtina zindanan, lêkirina dîwaran û kuştinên Hizbul-kontra çareser nabe."

Delibaş da diyarkirin ku, îro Serokwezîrê Tirk û hemû rayedarên dewletê dibêjin Kurdistan û wiha got: "Di salên 1970'an kesên digotin Kurd û Kurdistan dihatin girtin û rastî cezayan dihatin. Lê îro Serokwezîr jî dibêje Kurdistan û Birêz Barzanî bi Xalîçeyên sor tên pêşwazîkirin. Ji ber vê yekê darezandina me ya niha vala û pûç e. Delîbaş hemû îdîayên derbarê xwe de red kirin.