Pêşkêşvana Stêrk TV rojnamevan Gazal Avanaş, ku bi navê Aysel Avesta tê naskirin, piştî ku di 19'ê Gulanê de ji aliyê Asayîşa Duhokê ve hat binçavkirin û duh radestî servîsa îstîxbaratê ya PDK'ê 'parastin' hat kirin, hat hînbûn ku dest bi greva birçîbûnê kiriye.

Fermandarekî pêşmergeyan ê nexwest navê xwe eşkere bike, da zanîn ku Avanaş a duh radestî rêxistina îstîxbaratê ya PDK'ê hatiye kirin, dest bi greva birçîbûnê kiriye û ji ber ku destûr jê re nayê dayîn dermanê xwe bi kar bîne, rewşa wê ya tenduristiyê kêlî bi kêlî nebaş dibe.

Rojnamevan Avanaş a di 19'ê Gulanê de li ser rêya Laleşê li Duhokê hat binçavkirin, nayê zanî bê li ku tê ragirtin.