Navenda Çapemeniya YPG’ê diyar kir ku êrîşên çeteyên DAIŞ’ê berdewam dikin.

Navenda Çapemeniya YPG’ê diyar kir ku di 21’ê Gulanê de li hember çeperên Gundê Qerqozax û pira wê ya dikeve Başûrê Cerablûsê êrîş hatin lidarxistin. Di daxuyaniya YPG’ê de ev agahî hatin parvekirin: “21’ê Gulanê saet 13:00 û 22:00-23:00’an çeteyên DAIŞ’ê li hember çeperên Gundê Qereqoxaz û pira wê ya ku dikeve Başûrêrojavayê Kobanê û çeperên Cerablûsê bi çekên giran 2 êrîş li dar xistin.

Çeteyên DAIŞ’ê heman rojê  saet 16:00’an bi çekên giran li hember gundê Girê Sor ê dikeve navbera bajarokê Şêxler û Gundê Qereqozaxê êrîşek li dar xistin.

21’ê Gulanê saet 09:00’an de çeteyên DAIŞ’ê bi çekên giran li hember başûrrojavayê Bendava Tişrîn a girêdayî Kobanê, saet 11:00-12:00’an li hember başûrrojhilatê Bendava Tişrînê û saet 21:00’an li hember rojavayê Bendava Tişrînê bi çekên giran 3 êrîşên cuda li dar xistin.

Komên çete heman rojê saet 18:30- 19:00’an li hember gundê Ramalla ya dikeve rojhilatê Bendava Tişrînê bi çekên giran êrîş li dar xistin.”