Li Şirnexê ku êrîşên qirkirinê yên çeteyên Qesrê didomin, şerên li seranserî bajêr belav bûne, li Taxa Bahçelîevlerê giran e. Şerên di navbera çeteyên Qesrê û endamên YPS’ê de ji mesafeyek nêz pêk tê. Hat diyarkirin ku li taxê kepçeyek hate rûxandin, vîncek jî hate derbkirin.

Şerê ku duh êvarî di navbera çeteyên Qesrê û endamên YPS/YPS-JIN’ê de danê êvarî li navenda Şirnexê destpê kiribûn, li derveyî bajêr jî didomin. Hate ragihandin ku di şerên 5 nuqteyên cuda de gelek tîmên taybet hatine kuştin.

Hate diyarkirin ku li Taxa Bahçelîevler a şerên dijwar lê diqewimin jî kepçeyek hate îmhakirin, ajokarê wê jî hate kuştin. Her wiha, vînceke ji bo kişandina vê kepçeyê jî hatibû hate derbkirin û ji neçarî vekişiyaye.

Li taxê mabeyna komek tîmên taybet û endamên YPS/YPS-JIN’ê de ji mesafeyek nêz şer diqewimin. Hat ragihandin ku duh êvarî komek tîmên taybet li heman qadê ketine avahiyekê û ev avahî hatiye teqandin. Û hê jî cenaze di hundir de ne.

Li ser taxên Yenî, Cûmhûriyet, Gazîpaşa û Îsmetpaşayê jî bênavber bombekirina bi top û obusan didomin.

Têkîldarî şer û mirinên navborî, heta niha ne Walîtiya Şirnexê ne jî Serfermandariya Giştî ya Tirk ti daxuyanî nedane.