Bi pêşengiya koordînasyonên Tevgerê Ciwanên Kurd li Ewropayê TCŞ û TêkoJIN, li gar a trenê ya Den Haagê çalakî hate lidarxistin û daxwaza azadiya Rêberê Gelê Kurd Abdullah Ocalan hate kirin.

Çalakiyê bi sirûda Çerxa Şoreşê destpê kir û dirûşmên "Bijî Serok Apo", "Ciwan fedaiyên Rêber Apo ne" û "Bijî berxwedana gerîla" bi dawî bû.

Çalakgeran her wiha bang li ciwanên şoreşger ên li Ewropayê kir ku di çarçoveya pêngava "Cenga azadiyê bi er bixin" ji bo Abdullah Ocalan dakevin qadan.

TORONTO

Li bajarê Toronto yê Kanadayê, êvara Duşemê endamên TCŞ'ê li Navenda Civaka Kurd a Demokratîk li hev kom bûn û piştre li navenda bajêr kaxizên bi nivîsa "Azadî ji Rêber Apo re" li tramvayan ve daliqandin.

Ciwanan ji bo azadiya Rêberê Gelê Kurd Abdullah Ocalan banga mezinkirina têkoşînê kirin.